Нилхдт – махлас

08-07-2023, 09:45 | Общество

Шидр «Буйн» гидг буйнч седклин саң О.Шунгаеван нертә нилхд төрлһнә төвд белг авч ирв. Хальмгин төв хурлын администратор Санан Матвеновин келсәр, эдн нилхдт махлас белглхәр шиидв.

- Одахн Москва балһнас 20 миңһн махла авч ирвидн, терүг бичкдүд бәәдг таңһчин бүрдәцст, тер тоод нилхд төрлһнә төвд күргҗ өгчәнәвидн. Эн төвд бидн чадсарн дөң күргнәвидн, - гиҗ Санан гелң темдглв.
О.Шунгаеван нертә нилхд төрлһнә төвин ах эмч Галина Динкиева буйнч седклин керг-үүлдвр бүрдәсн улст ханлтан өргв. Өр-өвч седклтә улс маднд демән күргхлә, бидн саата күүкд улсиг болн нилхдиг байрлулнавидн. Мана бүрдәцд дөңгән күргҗәдг улсин цаһан седклднь ханҗ, бат эрүл-менд дурдҗанавидн, гиҗ Галина Капитоновна йөрәлин үгдән келв.

Мана зәңгч
ЗУРГТ: бичкдүдт белг авч ирсн кем

Видео