Хальмг арһлачнрин кергинь делгрүлҗ

13-07-2023, 09:30 | Общество

2020-ч җилд бүрдәгдсн хальмг хөөнә ноос эд-бод кедг «Калмык Вул» нертә компань эврәннь эд-тавран Беларусь Республикин рынкар дамҗад нарт-делкәд хулдхмн.

Нидн мана арһлачнр Беларусин элчнрлә харһҗ, нөкцлтин туст бооца батлсн билә. «Мой бизнес» төвин ул деер үүлдҗәдг таңһчд экспортыг дөңнлһнә төв шишлң харһлт бүрдәсмн.
Нарт-делкән рынкд хулдлһна кем эклхлә ямр бәәдл тогтхинь лавтаһар келҗ болшго. Тегәд цаг давад ашнь медгдхмн, гиҗ «Калмык Вул» компаня һардач Даван Җирһл цәәлһвр өгв.
Келхд, эннь Беларусьла селәнә эдл-ахун халхар батлгдсн нөкцлтин бооцаһар күцәгдҗәдг керг-үүлдвр болҗана. Тодлхас, эн җилин хаврар Хальмг Таңһчин Толһач Хаска Бату Беларусьт одҗ, мана регионд инвестиц оруллһна туст кесг бооца батлсн билә.
Тегәд хальмг арһлачнр эд-тавран цааранднь икәр хулдад бәәхмн, гисн итклтә бәәнәвидн.

ОЛЬДАН Цаһан

Видео