«Balhsn fest» наадмд орлцтн

15-07-2023, 09:35 | Общество

Эндр болн маңһдур Элстд «Balhsn fest» нертә наадм давхмн. Энүнә тускар брифингин йовудт таңһчин баһчудын төвин элч Салан Очр болн өдгә цага бииһин «Эволюция» академин һардач Даган Дмитрий тодрхаһар келҗ өгв.

Мана таңһчд өдгә цага бииһин наадм давулгдхш, эн учрас иим керг-үүлдвр давулхар шиидвидн. Биид дурта баһчуд дунд марһа давулхар седәд, РЦМ-д одҗ эврәннь зуран тускар келсн биләв. Тенд намаг дөңнәд, наадм давулхд нөкд болхан медүлв, гиҗ Даган Дмитрий келв.
Эндр Диилврин талвңд воркаутар, стритболар, армрестлингәр, граффити болн уульнцин бииһин марһан болхмн. Тер мет багмуд дунд марһан бас давулгдхмн, нааран хам-хоша бәәдг регионмудын элчнр ирҗ орлцхмн.
РЦМ-ин элч Салан Очрин келсәр, спортивн марһаст ик-бичкн уга орлцҗ чадҗана. Маңһдур болхла «Ойрат-Арена» төвд бииһин марһан цаарандан давхмн гив.

КАРСАНА Евгения

Видео