Сойл делгрүллһнә төв тосхгдх

20-07-2023, 09:10 | Общество

Шидр Хальмг Таңһчин Залврин Ахлач Босхмҗин Гиләнә һардврт селвлцән болв. Энүнд Элст балһснд сойл делгрүллһнә төв тосхлһна төр босхгдв.

Сойлын шин объект 2024-ч җилин чилгчәр тосхгдх гиҗ зуралгдҗана. «Сойл» келн-улсин төсвин йовудт эн көдлмш күцәгдҗәнә, 175,5 сай арслң тосхлһнд һарһгдхмн.
Өдгә цагт ул тәвлһнә белдврин көдлмш күцәгдҗәнә болн һазрин участк хашалгдҗана.
Эн сойлын шин бәәшңд РДНТ, «Тюльпанчик» бичкдүдин ансамбль нүүҗ орхмн. Тер мет сойлын халхар олн-зүсн һәәхүлмүд болн талдан керг-үүлдврмүд давулгдхмн. Терүнәс нань 300 орм багтамҗта кинозал, хальмг улсин амн урн үгин зөөр хадһллһна студь болн мастерской секгдхмн.
Селвлцәнә ашар Гилән Герасимовна сойлын объектыг цаг-болзгтнь өөдән чинртәһәр тосххин туст ирлцңгү һардачнрт даалһвр өгв.

ОЛЬДАН Цаһан

Видео