Көтчнрә хурлд – Бурятин эрдмчин тәвц

20-07-2023, 09:35 | Общество

Көтчнрә районд босхгдҗадг хурлын бәәдл өдр ирвәс әмтнә оньг авлад, шин тоотар немгдәд сәәхрәд йовна. Эн хурлын төлә бурятск скульптор Нанзат Цыденжапов шаҗна туск тууль-түүкд келгддг арслңгудын бәәдлтә әрүн дүрмүд кевлҗ кесмн.

Энүнә кесн дүрмүдиг хурлын эргнд углҗ тәвхмн. Келхәс, Нанзат Цыденжапов Көтчнрә хурлын тосхлтд шунҗ орлцсмн. Буйнч седклинь өөдән үнләд Көтчнрә района толһач Санл Годжуров бурятин эрдмчд Ханлтын бичг бәрүлҗ өгв (зургт).
Нанзат Цыденжапов бурхн-шаҗна номин гүн тоотыг болн шаҗна авъясмудыг сәәнәр меддг эрдмч болҗана. Энтн Санкт-Петербургин художествин академиг төгсәсн сән белдвртә скульптор мөн.
Бурятин болн Санкт-Петербургин бурхн-щаҗна хурлмудыг болн нань чигн тоотыг эн эрдмчин һарар кевлгдсн бумблвс кеерүлҗәнә.

УШКАНА Сувсн

Видео