Кикбоксермудла харһв

22-07-2023, 09:00 | Общество

Шидр Хальмг Таңһчин Толһач Хаска Бату кикбоксингәр Әрәсән Келн-улсин багин спортсменмүдлә харһв. Тедн Сочи балһснд Әрәсән спортын Министерствин «Юг Спорт» федеральн төвин ул деер дамшлтан өөдлүлв.
«К1», «лоу-кик», «фулл-контакт», «лайт-контакт», «поинтфайтинг» болн «сольные композиции» янзар спортсменмүд дамшсмн. Темдглхд, тедн дунд нарт-делкән чемпионмуд, спортын ачта эрдмчнр болн талдан улс орлцв.
Спортсменмүд дамшсн деерән техническ эрдмән өөдлүлв. Давулгдсн керг-үүлдвр намртан болх нарт-делкән марһана өмн өргнд Әрәсән кикбоксингин федерацин багмудын төлә белдврин һол девсң болв.
Дамшллһна керг-үүлдврмүдин йовудт «Юг Спорт» төвин ул деер усна аюлла харһсн Херсонск мүҗин иргнмүдт нөкд болх седклтәһәр буйнч акц давв. Тиим акцд кикбоксермуд түрүн болҗ орлцв.
Әрәсән спортын Министерствд, «Юг Спорт» төвин һардач Юрий Дремовд, энүнә багд, цуг дамшачнрт ханлтан өргҗәнәв.
Хамдан эв-арһан негдүлҗ, ик күцәмҗ бәрхвидн, гиҗ таңһчин Толһач Хаска Бату иткүлв.

ОЛЬДАН Цаһан

Видео