Хар теңгст амрхар седхлә...

22-07-2023, 09:05 | Общество

Хальмг Таңһчин Залвр «Әрәсән төмр хаалһс» ОАО-ла болн «Пассажирск федеральн компань» АО-ла батлгдсн бооцасла ирлцҗ Элст Адлер балһсдын хоорнд така сарин 23-ас авн ноха сарин 27 күртл поезд йовхмн.

«Элст-Анапа» хаалһар йовдг поездд купен болн плацкартн немр хойр вагон залһгдхмн. Эн поезд хойр долан хонгт нег дәкҗ йовхмн.
Элстәс үдин хөөн дөрвн часин алднд һарад, Адлер балһсна станцд маңһдуртнь ирлцңгү кемлә ирхмн. Така сарин 23-д поезд түрүн болҗ һарч йовх, хөөннь ноха сарин 5-д, 19-д болн 27-д йовхмн.
Адлерәс болхла 18.00 часла һарад, Элстд маңһдуртнь үдин хөөн һурвн часла ирхмн. Хар теңгст амрад, нег һазра улс ноха сарин 4-д, 18-д болн 26-д гертән хәрҗ ирхмн.
Купен вагонд нег ормнь 2621 арслң, плацкартн вагонд болхла 2475 арслң күрнә.
Элстин төмр хаалһин вокзалын касст, «РЖД» ОАО-н порталд болн «РЖД пассажирам» нертә мобильн көтлврт билетмүд хулдҗ авч болхмн.

КАРСАНА Евгения

Видео