Нөкцлтән делгрүлҗ

25-07-2023, 09:25 | Общество

Шидр Хальмг Таңһчин селәнә эдл-ахун министрин үүл дааҗадг Тимур Гаваев «АМКОДОР» ОАО-н һардачин дарук Олег Дикунла харһв.

Тодлхас, Хальмг Таңһчин Толһач Хаска Бату Беларусь Республикд одсн саамд эн компаньла нөкцлтхәр үгцсн билә.
«АМКОДОР» – көлг кеҗ һарһдг Беларусин нүүрлгч компаньсин тоод орна. Хаалһ ясдг, жилищн-коммунальн, селәнә эдл-ахун болн нань чигн халхар шишлң техник энд кеҗ һарһна, өдгә цагин некврлә ирлцдг эв-арһс олзлна, гиҗ темдглх кергтә.
Харһлтын йовудт компаня элчнр селәнә эдл-ахун болн тосхлтын шишлң техник үзүлв. Тер мет мана таңһчиг шин техникәр теткхин туст үгцсн билә.
Хойр республик цаарандан иньгллтин таалд көдлхәр үгцв.

БАДМИН Занда

Видео