Махла уйҗ хулдҗана

Мал өсклһнә халхар үүлдҗәдг таңһчин нүүрлгч эдл-ахусин негнь эврәннь эд-тавран һарһҗ хулдҗана.
«Улан Хөөч» тохма мал өскдг АО Цугәрәсән селәнә эдл-ахун һәәхүлмүдт даңгин орлцач болн дииләч болна. Тер мет нидн «Алтн намр», түүнә хөөн тохма хөөдин болн ямадын һәәхүлмүдт алтн болн цаһан мөңгн медальмүдәр ачлгдсн билә.
Терүнәс нань шидр эн эдл-аху хөөнә арсар өөмхләрн өмсдг «Улан Хөөч» гисн тамһта махла уйҗ һарһв. Махлаг хагсу болн чиигтә ормд өмсҗ болхмн.
Мана таңһчд ирсн гиичнрт болн бәәрн улст эн махла сән белг болхнь лавта. Элст балһсна белгүдин лавкст тиим махла хулдгдҗана.
БАДМИН Занда