Депутатнр тооцаһан өгхмн

08-08-2023, 09:05 | Общество

Шидр Хальмг Таңһчин Толһач Хаска Бату Улсин Хуралын (Парламентин) депутатын туст шишлң зәрлг батлхин туск седвәриг дөңнв. Энүнлә ирлцҗ депутатнр эврә суңһачнртан күцәсн көдлмшин тускар җилд нег дәкҗ тооцаһан өгдг зөвтә болхмн.

Депутат болһна төлә иим шинрлт көдлмшинь улм гүүдүлҗ, дааврта болхд туслхмн. Улсин Хуралын (Парламентин) депутатнр күцәгч йосна бүрдәцсин болн муниципалитетмүдин һардачнрла нөкцҗ көдлхмн.
Эннь нег һазра улсин төлә бас сән йовдл болхнь лавта. Таңһчин Улсин Хуралын (Парламентин) шин ханьд эрк биш дааврта улс орад, Хальмг Таңһчин делгрлтин төлә цуг эв-арһан олзлҗ көдлхд иткҗәнәв, гиҗ Бату Сергеевич темдглв.

ОЛЬДАН Цаһан

Видео