Гемиг эртәснь илдкхәр

08-08-2023, 09:15 | Общество

Мана таңһчд эн җилин түрүн өрәлд 44 миңһн шаху күн диспансеризацд орад, эрүл-мендин бәәдлән шинҗлв. Хальмг Таңһчин эрүлменд харлһна министерствин барин цергллт зәңглсәр, эн җил ут тоодан 95 миңһн һар күн диспансеризацд орлцх зөвтә гиҗ зуралгдҗана.

Таңһчин райодт шин ФАП болн олна дамшлтын эмчин офис секгдҗәхәс иштә селән һазрт бәәдг әмтн цаглань эмчд бийән үзүләд, кергтә шинҗллт кеҗ чадҗана. Тер мет диспансеризац давуллһнд мобильн медицинск комплекс олзлгдна. Хол бәәдг селәдин әмтн, нег үлү медәтә болн эрмдгтә улс эмнлһнә бүрдәцд күрдг арһ уга болна, тегәд мобильн комплекс тиигәрән ирҗәхнь цугтаднь тааста болҗана. Района болн таңһчин эмнлһсин эмчнр селәдт ирҗ бәәрн улсин эрүл-менд шинҗлнә. Эннь олн зүсн гемиг эртәснь илдкҗ цаглань эмнлһ эклхд туслна. Ода деерән 13 мобильн бригад үүлдҗәнә, дәкәд 4 маммографическ болн 4 флюорографическ аппаратта шишлң көлгн селәдәр һарч йовна.
(полную версию статьи можно посмотреть в бумажной версии выпуска № 83 (18922) 8 августа 2023 года, ВТОРНИК)

БАТАН Наталья
ЗУРГТ: Яшалтан районд диспансеризац болҗах кем

Видео