ШИШЛҢ ӘҢГ

10-08-2023, 10:00 | Общество

Шин гермүд тосхгдҗана

Әрәсәд тосхгдсн шин гермүд эдлврт оруллһна нүүрләчнрин тоод Элст балһсн 17-ч ормд бәәнә. Сүл җилмүдт Элстд гермүд олар тосхгдҗана. 2022-ч җилин ашар кесн то-дигәр, эдлврт орулгдсн гермүдт нег иргнә төлә 0,95 дөрвлҗн метр аһу тогтав, ут тоодан болхла 102,2 миңһн дөрвлҗн метр аһута гермүд эдлврт орулгдв.
Үүлдврән зогсалго эн туст цааранднь көдлх кергтә. «Баһчудын» микрорайона тосхлт чеерүдт бәәнә, гиҗ таңһчин Толһач Хаска Бату ашлв.

Сурһульчнрин төлә сән таал тогтаҗ

Әрәсән Залвр мадниг даңгин дөңнҗәхд ханлтан өргҗәнәв. Элст балһснд «Баһчудын» микрорайонд 600 ормта сурһуль тосхгдхмн.
Орн-нутгин Президент Владимир Путинә седвәрәр, регионмудт, нег үлү Хальмг Таңһчд сурһуль-эрдмин бүрдәцст сән кец-таал тогталһна төлә шишлң керг-үүлдврмүд давулгдҗана, гиҗ келх кергтә.
Дорас өсч йовх мана үйнр сән таалд сурх зөвтә. Эн туст цуг арһ-чидлән агсҗ көдлх кергтә болҗана, гиҗ Бату Сергеевич келв.

Элвг урһц хураҗ авхар

Урһц хуралһна кем гүргүдән орчкв. Таңһчин селәнә эдл-ахун көдләчнр эн җил урдк җиллә әдл элвг урһц хураҗ авхар зүткҗәнә.
Темсн болн боднцг 500 гектар аһу һазрт тәргдәд, 10 миңһн тонн һар урһц авхар зуралгдҗана. Тәрә тәрлһнд шаңһас 3,5 сай арслң дөң йилһгдсн билә, эннь көдлмшиг цаг-болзгтнь күцәлһнд туслсмн.
Таңһчин райодт урһц хуралһна көдлмш цаарандан давҗана. Һаза һаң халун болв чигн селәнә эдл-ахун көдләчнр көдлмшән зогсаҗахш, гиҗ таңһчин Толһач Хаска Бату темдглв.

ОЛЬДАН Цаһан

Видео