Нүүрлгч эдл-ахуд одв

10-08-2023, 10:20 | Общество

Шидр Хальмг Таңһчин Улсин Хуралын (Парламентин) Ахлач Анатолий Козачко Хар Һазра района «Первомайский» тохма мал асрдг эдл-ахуд көдлмшин кергәр одв. Тенд эн услврин участк хәләһәд, малчнрла болн тәрәчнрлә харһв, селәнә эдл-ахун һардврла күүндв.

СПК-н ахлач Болдра Валерийин темдглсәр, ода эдл-ахуд малд хот белдлһнә дааврта кем давҗана. Хөд кирһлһнә болн төл авлһна кем күцәмҗтәһәр давсиг Валерий Астаевич заав. Тиигәд, «Первомайский» СПК-д ут тоодан 139,5 тонн торһн ноос авв, нег хөөнәс 4,2 киил ноосн кирһгдв. «Төл авлһна кем төгсв. Мана эдл-ахуд асргдҗадг грозненск тохма хөөнә ноосн Әрәсәд хамгин сән чинртә гиҗ тоолгдна. Ода төл авсна хөөн эдл-ахуд 52 миңһн хөн бәәнә, тегәд сән чинәтә мал илдкҗ, тохм ясруллһна халхд көдлмш күцәгдҗәнә. Энтн дааврта болн чинртә керг болҗана. Тегәд чигн бидн тохм ясруллһна көдлмшән дигтә-даратаһар бүрдәхәр зүткнәвидн. Болв тохм ясруллһна көдлмш күцәмҗтә болхин төлә малыг сәәнәр асрсн деерән сән чинртә хотар теткх кергтә», – гиҗ Болдра Валерий келв.
(полную версию статьи можно посмотреть в бумажной версии выпуска №84 (18923) 10 августа 2023 года, ЧЕТВЕРГ)

Барт белдснь ДООҖАН Наталья
ЗУРГТ: таңһчин Улсин Хуралын Ахлач Анатолий Козачко болн Хар Һазра района «Первомайский» эдл-ахун һардач Болдра Валерий

Видео