Сурһулин шин җилд белдҗ

12-08-2023, 09:15 | Общество

Сүл цагт мана орн-нутгт, тер тоод таңһчд олн үртә өрк-бүлмүдиг дөңнлһнә керг-үүлдврмүд батлгдҗ, олн зүсн социальн дем өгнә. Тиигәд, Әрәсән Президентин даалһврар эклц классмудт сурдг сурһульчнр болн эрмдгтә бичкдүд өңгәр халун хотар теткгднә. Олн үртә өрк-бүлмүдиг дөңнлһнә таңһчин заканд сольвр орулгдсна ашт җил болһн ноха сард сурһульч болһнд хувц-хунр, сурһулин эдтавр хулдҗ авлһнд демин мөңгн өггднә.

Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, олн үртә өрк-бүлмүд сурһулин шин җил угтҗ сурһульч болһндан 5 миңһн арслң дем авв. Эн демин мөңгиг җил болһн 2020-ч җиләс авн өгнә. Ода деерән 4 миңһн һар сурһульч демин мөңг авсн бәәнә, эн кергт таңһчин бюджетәс 20,5 сай арслң йилһгдв.
(полную версию статьи можно посмотреть в бумажной версии выпуска № 85 (18924) 12 августа 2023 года, СУББОТА)

ДООҖАН Наталья

Видео