Усна тогталмудыг шинҗлҗ

12-08-2023, 09:30 | Общество

Шидр Хальмг Таңһчин селәнә эдл-ахун министрин үүлиг дааҗадг Тимур Гаваев «Главрыбвод» ФГБУ-н Көк теңгсин әңгин һардач Антон Конинлә нөкцлтин бооца батлв.

Бооца күцәлһнә йовудт мана таңһчд бәәдг усна тогталмуд шинҗлгдхмн. Усна йоралнь уснд урһдг урһмлас цеврлхмн. Хамгин түрүнд Лаганя керм йовдг каналыг шинҗлх кергтә, гиҗ Тимур Сергеевич келв. Терүнәс нань батлсн бооцаһар таңһчин селәнә эдл-ахун министерств «Главрыбвод» ФГБУ-н һардврла заһс эд-бод келһнә халхар бас үгцсн билә.
Заһс эд-бод келһнә бүрдәцлә нөкцлтҗ, иргчдән олн зүсн чинртә төсвс күцәҗ болхмн. Тодлхас, эн төр таңһчин Толһачин онц оньгт бәәхиг Тимур Гаваев темдглв.

КАРСАНА Евгения

Видео