Селәнә эдл-ахун техникәр теткҗәнә

15-08-2023, 09:10 | Общество

Таңһчин селәнә эдл-ахун министерств «ТД-МТЗ Сарпуль» ООО-ла урднь батлсн бооцана йовудт Минск тракторн завод шишлң техникәр теткдг болв.

Тер мет коммерческ компаньсла селәнә эдл-ахун шишлң техник хулдҗ авлһнд процентн кемҗәһинь баһрулхар үгцв.
Иим кевәр Приютна района нег эдл-аху «Кировец» тамһта хойр трактор, «Амазон» нертә һазр тегшлдг хойр кергсл хулдҗ авв. Ут тоодан таңһчин селәнә эдл-ууш кеҗ һарһдг арһлачнр җирн трактор, тер тоод «Беларус» тамһта дөчн техник, арвн негн комбайн болн талдан арвн зурһан шишлң кергсл хулдҗ авсмн.
Өдгә цагт лизингин эв-арһар шишлң техникиг тавн җилдән авч болна.
Эн төрәр тодрхаһар таңһчин селәнә эдл-ахун министерствд медҗ болхмн.

КАРСАНА Евгения

Видео