Хамгин элвг урһц хурагдв

19-08-2023, 09:05 | Общество

Эн җил селәнә эдл-ахун көдләчнр дәкнәс хамгин элвг урһц хураҗ авв. Эннь 817 миңһн тонн буудян урһц тогтав.

Нидн болхла 712 миңһн тонн буудя хурагдсн билә. Эн җилд АПК-н көдләчнр дәкнәс күцәмҗ бәрв, гиҗ темдглх кергтә. Таңһчин эдл-ахуст 245 миңһн гектар аһу һазрт намрин буудя болн тосна тәрән, тер мет хаврин 40 миңһн тәрән тәргдв.
Темдглхд, эн җилд 507 эдл-аху тәрә тәрлһнд 140 сай арслң дөң авсн билә. Хамгин элвг урһц Яшалтан районд хурагдв. Тенд Карл Марксин нертә СПК 21,5 миңһн тонн буудя хураһад ончрв. Келхәс, һаха сарин чилгчәр тенд экн цеврллһнә завод секхәр зуралҗана, тегәд эн җилд хурасн урһц тенд эд-бод кегдхмн.
Хальмг Таңһчин селәнә эдл-ахун министерствд, фермермүдт күцәмҗтәһәр көдлснд региона Толһач Хаска Бату ханлтан өргв.

ОЛЬДАН Цаһан

Видео