Олн үртә эк «әмтәхн» кергән бүтәв

24-08-2023, 09:25 | Общество

Лагань балһснд бәәдг өнр-өсклң Доролеевихнә өрк-бүлин герт орҗ ирсн гиичнрт хальмг авъясар хотын сәәнинь өгч, олн зүсн сенр болн шимтә хот-хоолар болн һуйрин зүүтә кегдлмүдәр тоона. Олн үртә эк Мария йосн хальмг бер болад, өрүн эртәс авн зандн цәәһән чанад, хотын дееҗ тәвәд, гер-бүүрин кергән эклнә.

Сергей авальтаһан эдн дөрвн үртә эк-эцк болна. Ууһн Айса болн Амулң күүкднь оютнр, эдн тааста эрдм шүүҗ авад Элстд болн Москвад сурһуль сурч йовна. Милана күүкн Лаганя 4-ч тойгта дунд сурһульд сурчана, отхн Алан эн җил 1-ч класст орҗана. Герин эзн Үстин района Эрднихн селәнд өсәд-боссмн, ода тенд малд көдлҗәнә. Тегәд ода эдн цугтан өрк-бүләрн хая нег цуглрна. Тиим арһ учрхла, Мария бер өөрхн улсан сенр хотар тоосн деерән һуйрин зүүтә әмтәхн кегдлмүд болһна.
(полную версию статьи можно посмотреть в бумажной версии выпуска № 90 (18929) 24 августа 2023 года, ЧЕТВЕРГ)

ДООҖАН Наталья
ЗУРГТ: социальн бооца батлҗ кергән делгрүлҗәдг Мария Доролеева

Видео