Эдл-ахун үүлдврлә таньлдв

Баһ Дөрвдә района әмтнә социальн теткврин комплексн төвин улд туслмҗ авдг өрк-бүлмүдин бичкдүдин төлә соньн экскурсь бүрдәгдв. Эдн района нүүрлгч «Плодовитое» СПК-д одад, малчнрин болн тәрәчнрин көдлмшлә таньлдв. Эн эдл-аху мал өскҗ, тәрә тәрҗ олзта-орутаһар көдлнә. Эдл-ахун һардач Юрий Искам бичкдүдт СПК-н үүлдврин тускар ахрар келҗ өгәд, селәнә эдл-ахун техник, буудя хадһлдг бәәр үзүлв, малын хошт болн тәрәчнрин бригадт күргв.

Селән һазрт өсчәдг болв чигн зәрм бичкдүд түрүн болҗ шишлң техник үзв. Өвс хаддг, эд-бод кедг техник хәләһәд, эдн өдгә цага комбайнд орад сууснь ик бахмҗ үүдәв. Эн җил эдл - ахун тәрәчнр му биш урһц хураҗ олна малд буудя болн өвс белдв. Дарунь күүкд-көвүд буудя хадһлдг бәәрнд орв, бордлһнд бәәдг мал хәләв, тәрәчнрин бригадт күрв.
КЦСОН-а мергҗлтнрин темдглсәр, иим керг-үүлдврмүд бичкдүдт иргчдән эрдм шүүҗ авхд туста болн кергтә. Эн экскурсьт орлцсн күүкд-көвүдәс кен-негнь селәнә эдл-ахун халхар көдлхәр шиидх чигн биз. Дәкәд бичкдүд эврә һазрла таньлдҗ, селәнә эдл-ахун халхд үүлддг улсин көдлмш күнд болн дааврта болдгиг медх зөвтә.

ДАВАН Наталья

Новости по теме

• 

  Спецвыплата для медработников
  Спецвыплата для медработников
• 

  Для пенсионеров с сельским стажем
  Для пенсионеров с сельским стажем
• 

  История Победы – глазами потомков
  История Победы – глазами потомков
• Ценные источники из Ламайского духовного правления
  Ценные источники из Ламайского духовного правления