Бурхн Багшин ном – өдгә цагин җирһлд

24-08-2023, 09:40 | Общество

Әрәсән оюни җирһлд чинртә йовдл учрв. Бурхн Багшин номд шүтдг улсиг хамцулсн шаҗна номин ик хурал Улан-Удэ балһснд болв. Делкән кесг орн-нутгас, шаҗна йосна, олна, сойлын олн үүлдәчнриг хамцулсн чуулһнд өдгә цага бәәдлд бурхн-шаҗна делгрлт ямаран болҗахин төрмүдәр ик күүндвр кегдв. Эвин үүлдврт церглҗәх ик хургт Хальмг Таңһчин Толһач Хаска Бату болн Хальмгин Шаҗн лам гевш Тендзин Чойдак толһалҗах делегац орлцв.

Әрәсән Федерацин Президент Владимир Путин шаҗна хургин орлцачнрт нерәдсн йөрәлин бичгиг Президентын һардврин дотр-дундын кергүдәр бәәдг заллтын ахлачин дарук Анатолий Вылегжанин умшҗ өгв. Бурхн Багшин ном болн күмн әмтиг хамцулгч терүнә зун җилә авъясмуд олн келн-улс бәәдг болн олн шаҗн делгрҗәдг Әрәсәд ик нилчән күргсинь Президент темдглв. Ни-негн, бат хамцу нутг болҗ батрхд эн шаҗн өвәрц чинр зүүсинь зааһад, Владимир Путин миңһәд улсин төлә оюни сәәхн үлгүр болҗ урмд өгчәхинь лавлҗ темдглв.
(полную версию статьи можно посмотреть в бумажной версии выпуска № 90 (18929) 24 августа 2023 года, ЧЕТВЕРГ)

ХӨӨЧИН Галина

Видео