Шин Третьяковкд – хальмг күүкнә зург

26-08-2023, 09:45 | Общество

Третьяковск галерейиг таңһчд, Әрәсәд бәәтхә цуг делкәд әмтн меднә. Москвад одсн күн болһн тер галерейд одлго бәәхш. Күмни делкән эрдм-билгин хамгин үнтә тоотыг цуглулҗ, эн галерейин улынь тәвсн Третьяков галерйиг орн-нутгин әмтнд нерәдсн дарани өөн ноха сард болҗана. Цецн ухата эн күүнә нерн олн-әмтнәннь төлә күцәсн кергин дөңгәр кесг үйин улсин санлд амлгдҗ йовна. Юн учрар мадн цуг эн олн меддг тоотыг тодлулҗахмн гихлә. Третьяковск галерейин көдләчнр улсин зөөрин саңгиг бүрдәсн кергиг цааранднь йовулад, олн-зүсн төсв бүрдәнә. «Шин Третьяковка» гидг тиим нег ик төсвинь бичкн болн баһ наста зурачнр сән меднә. Эн җил эднә төсв багшин болн сурһмҗлачнрин үүлдврт нерәдгдв. Шин Третьковкин экспозицд хальмг сурһульчин зург орв. Элстин бичкдүдин эрдм-билгин хойрдгч тойгта школын сурһульч Сувсн Гаряеван зурсн зургла Шин Третьяковкд ирдг олн хәләһәчнр таньлдҗана. Ода бидн эн һәәхүлин болн бичкн зурачин күцәмҗин тускар бичҗәнәвидн.

(полную версию статьи можно посмотреть в бумажной версии выпуска № 91 (18930) 26 августа 2023 года, СУББОТА)

ХӨӨЧИН Галина

Видео