Көдлмшәр тетклһнә төр хаһлҗ

29-08-2023, 09:35 | Общество

Мана таңһчд кесг колледжмүд үүлдҗәнә, эдн арвтнрт кесг эрдм дасхна, теднә төгсәһәчнрин тоод хаалһ тосхачнр, маши ясачнр, гер-бүүр тосхачнр, программистнр, юристнр, малын эмчнр болн нань чигн эрдмтә мергҗлтнр йовна. Эдниг эндр өдр кесг үүлдврт, эдл-ахуст, компаньст күләҗәнә. Яһад гихлә таңһчд ода хаалһ болн гермүд тосхлһн өргәр күцәгдҗәнә, эн салврмудт тасрхан угаһар мергҗлтнр кергтә болад бәәнә. Программистнр, һазрин өр шинҗлдг мергҗлтнр бас икәр керглгдҗәнә, болв ода деерән эн халхар таңһчд ик кемҗәтә үүлдвр күцәгдҗәхш, тегәд зуг цөөкн мергҗлтнр Элстд эс гиҗ райодт көдлмш олҗ авна, наадкснь талдан регионар йовҗ көдлнә. Болв теднә белдврнь, медрлнь сән, тегәд чигн талдан регионмудт хальмг колледжмүдин төгсәһәчнриг өөдәнәр үнлнә. Иргчдән мана таңһчд чигн кесг салврин үүлдвр тосхгдад, эдлврт орад бәәхмн, тиигхлә мергҗлтнр икәр керглгдәд бәәх. Ода болхла зуг «Одн» заводт колледжмүдин төгсәһәчнриг күләҗәнә, тедниг көдлмшәр теткхәр белн бәәнә.
(полную версию статьи можно посмотреть в бумажной версии выпуска № 92 (18931) 29 августа 2023 года, ВТОРНИК)

ТҮРВӘН Һуна

Видео