Чукоткд болсн марһанд ончрв

31-08-2023, 09:50 | Общество

«Хотынь сәәнинь гиичдән өг, хувцна сәәнинь эврән өмс» гиҗ хальмг үлгүрт келгднә. Хол Чукоткин һазрт бәәдг мана хальмг улс өвкнриннь заасн сурһмҗар бәәҗ, келн-улсин сойл, авъяс болн авг-бәрц делгрүлҗ йовна. 2016 җиләс авн Анадырь балһснд болдг «Хлебосольный горожанин» гидг марһанд мана хальмгуд шунмһаһар орлцҗ, хойр җил дарандан диилвр бәрҗәхнь темдгтә. Шидр, ноха сарин 26-д энд дарани марһан болв. Терүнд чукчи, эскимос, хальмг, орс, армян болн узбек улсин элчнр орлцад, келн-улсин сойлла таньлдулҗ, олн зүсн хот-хоолар тоов.

Эн марһан «2020-2025 җилмүдт Анадырь балһсна округд социальн-сойлын халх делгрүллһн» гидг муниципальн көтлврин медлд бүрдәгднә. Чукоткд бәәдг олн келн-улс хааорндк иньгллтин болн сойлын хәрлцә делгрүлҗ, цуһар хоорндан ниитә бәәхин төлә эн марһан болна. Эн җил марһанд Чукоткин губернаторин үүл дааҗадг Владислав Кузнецов орлцад, балһснд давулгдҗах марһан сән авъяст тохрсиг темдглв. «Мана ик орн-нутгт олн келн-улс ни-негн бәәнә. Келн-улс болһн эврә сойлта, авъяста болн бурхн-шаҗта, тер бийнь бидн ниитә бәәнәвидн. Мана сәәхн, чидотә бол ник Әрәсә – мана нег гер», – гиҗ губернатор келв. Күндтә гиич келн-улс болһна хот амсҗ, нәәрт орлцачнрин билг-эрдмин концерт хәләв.
(полную версию статьи можно посмотреть в бумажной версии выпуска № 93 (18932) 31 августа 2023 года, ЧЕТВЕРГ)

ДООҖАН Наталья
ЗУРГТ: марһана дииләчнриг ачлҗах кем

Видео