Сойлын үүлдврт багшин болн сурһмҗлгчин чинр

31-08-2023, 10:05 | Общество

Әрәсәд Келн-улсин олн театр бәәнә. Эврә келәрн наадд тәвдг долан театрин тоод Басңга Баатрин нертә Келн-улсин театр орна.

Басңга Баатрин нертә Келн-улсин театрт шин төсв эклҗәх йовдлд нерәдсн пресс-конференц болв. Театрин генеральн директор Галина Шураева күүндвриг экләд, ирсн гиичнрлә цуглрсн журналистнриг таньлдулв. «Келн-улсин театрмудын иргч сурһмжлачнрин һарт» гиҗ нерәдгдсн Хальмг театрин төсвиг Әрәсән сойлын министерств дөңсмн. Нарт-делкән сойлын цутхлңла хамдан соньн төсв эн җил күцәгдҗәнә.
Улс хоорндк залһлданд туслх керг-үүлдвр күцәдг сойлын эн цутхлңгин нерн деерәс театральн эрдмин Әрәсән ик сурһулин (ГИТИС) продюсерствин болн сценическ эрдм-билгин кафедрин доцент, РФ-н сойлын ачта көдләч, нарт-делкән марһасин болн фестивальмудын жюрин гешүн болн эксперт Юлия Большакова Нарт-делкән сойлын цутхлң кеҗәх көдлмшин тускар тодрхаһар келҗ өгв. Мана олн келн улс бәәх ик орн-нутгин театрмудыг цааранднь делгрүлх, улс хоорнлк сойлын, келнә халхин залһлдаг батлх күцлтәһәр үүлдәд, эн цутхлң 2023 җилд тавн төсвиг орн-нутгт күцәҗәнә. Архангельск, Брянск, Белгородск областьст, Уулын Алтай республикд болн Хальмг Таңһчд тер төсв күцәгдҗәнә.
(полную версию статьи можно посмотреть в бумажной версии выпуска № 93 (18932) 31 августа 2023 года, ЧЕТВЕРГ)

ҖИРҺЛИН Кермн

Видео