Таңһчиг газар теткхәр

30-09-2023, 10:45 | Общество

Шидр Хальмг Таңһчин Толһач Хаска Бату «Газпром межрегионгаз» ООО-н һардач Сергей Густовла харһв. Харһлтын йовудт 2021-2025-ч җилмүдт мана таңһчиг газар тетклһнә көтлврин төрәр күүндв. Тер мет таңһчин котельнст газ олзлхин туст бас күүндвр болв.

Урднь «Газпром газораспределение Элиста» АО «Газпром газораспределение Ростов-на-Дону» ПАО-н медлд бәәдг билә. Ода болхла газар теткдг мана бүрдәц эврән бийән дааҗ көдлхмн.
Хаска Батун келсәр, газар тетклһнә көтлврәр таңһчд 267 дуунад газин сурвлҗн тосхгдхмн. Энүгәр 31 селәг газар теткҗ болхмн. Үстин района Белоозерный болн Октябрьский поселкудт газ ирв, гиҗ темдглх кергтә. Тер мет көтлврин йовудт газар тетклһнә долан станц ясгдҗ, шин кергсл углҗ тәвгдхмн. Энүнә ашт 600 шаху герт газ орулгдхмн.
Онц темдглхәс, газар тетклһнә социальн бооцас 85 процентд күцәгдв, иргнмүдәс 1,3 миңһн эрлһн орв, 735 герт газ ирв.
– Газар тетклһнә көтлвриг хамдан 100 процентд күцәхвидн, эннь таңһчин социальн-экономическ делгрлтд эрк биш туслхмн. «Газпром» ПАО-н һардвр мана регионд оньган өгснд ханлтан өргҗәнәв, гиҗ Бату Сергеевич ашлв.

Белдснь ОЛЬДАН Цаһан

Видео