Дөңгән цааранднь күргҗәнәвидн

30-09-2023, 11:02 | Общество

Әрәсән шин регионмудыг дөңнлһн олна керг болҗана. Орн-нутгин Президент Владимир Путинә даалһсар, мана таңһч Луганск Улсин Республикин Антрацитовск районла нөкцлт бәрҗәнә.

Намрин-үвлин кемд белдлһнә йовудт шидр Антрацит балһснур кергтә тоот йовулгдв. Болд болн пластикәр кесн турвас, цемент, ора кедг болн нань чигн тоот болна.
Терүнәс нань Антрацитовск районд Хальмг Таңһчин ЖКХ-н болн энергетикин министерствин медлд бәәдг «Усна турвас эдллһнә заллт» бүрдәцин мергҗлтнр кесг долан хонгт көдлҗәнә. Шунмһаһар нөкд болҗаснд ханлтан өргҗәнәв. Өдгә амр биш цагт кен-негән дөңнҗ, ниитәһәр көдләд, мана орн-нутгин цецгәрлтин төлә цуһар ни-негн бәәх зөвтәвидн, гиҗ Хаска Бату онц темдглв.

Белдснь ОЛЬДАН Цаһан

Видео