Эмнлһнә бүрдәцсин тетклһнь ясрхмн

05-10-2023, 09:00 | Общество

Ирх 2024-ч җилд шаңһа ОМС-ин халхар таңһчд йилһгддг мөңгн 470 сай шаху арслңд икдхмн. Энүнә тускар Хальмг Таңһчин Толһач Хаска Бату медицинск даатхлһна шаңһа саңгин һардач Илья Баланинлә болсн харһлтд күүндв.

Урднь таңһчин Толһач эрүл-менд харлһна министерствд болн ФОМС-т эн туст даалһвр өгсн билә. Сүл хойр җилин туршарт шаңһа Төвлә нөкцлтин халхар көдлмш күцәгдлә.
– Икдүлсн мөңгнә дөң эмнлһнә бүрдәцсиг өдгә цагин кергсләр, эмәр болн талдан тоотар тетклһнд туслхмн. Тер мет таңһчд эрүл-менд харлһна халхар сән чинртә туслмҗ өгч болхмн. Федерацин Советд, Әрәсән Минздравд, шаңһа ФОМС-т, Росздравнадзорт, «СОГАЗ-Мед» компаньд мадниг дөңнснд ханлтан өргҗәнәв, гиҗ Бату Сергеевич темдглв.
Онц келхд, Хальмг Таңһч ЮФО-д тиим шиидвр авсн һанцарн болв. Терүнәс нань таңһчин эмнлһнә бүрдәцсин кредитин өрнә туск төр бас хаһлгдв.

ОЛЬДАН Цаһан

Видео