Олнд үлгүр-үзмҗ болҗ көдлҗәнә

05-10-2023, 09:10 | Общество

Үстин района Цаһан Амна гимназьд ик күцәмҗ бәрҗ олн җилдән көдлҗәдг Әрәсән Федерацин ачта багш, Хальмг Таңһчин күндтә иргн Хоҗан Очра Нинан сурһульчнр сүл хөрн шаху җилин эргцд биологин болн экологин эрдмәр болдг олимпиадмудт мана таңһчд бәәтхә нам Әрәсәд чигн нерән туурулҗахин тускар ода кен эс меднә! Эн өдрмүдт болхла эн сурһулин бүрдәцд дәкәд нег темдгтә йовдл учрҗана. “Сурһуль-эрдмин делгрлт” гидг төсвин йовудт“ Негдсн Әрәсә” партин болн орннутгин гегән-герлин болн тосхлтын министерствсин болн Хальмг Таңһчин залврин хамцу седвәрәр эн җилин лу сард гимназьд эклсн бат ясвр төгсхдән өөрдәд, ода багшнр болн сурһульчнр шин бүүртән нүүҗ орхар белдҗәхнь эднә эк-эцкнриг чигн ик гидгәр байрлулҗана. Шидрхн болхла көдлмшин халхар Үстин районд одсн саамдан мана зәңгч эн сурһулин һардврла харһҗ, шинрүлгдсн герт орҗ энд тогтсн өдгә цагин таалыг дор ормднь хәләҗ йосндан бахтв.

(полную версию статьи можно посмотреть в бумажной версии выпуска № 108 (18947) 5 октября 2023 года, ЧЕТВЕРГ)

ШАГҖИН Любовь

Видео