Селәнә күч-көлсчнрин тәвцинь үнлҗ

07-10-2023, 09:10 | Общество

Хулһн сарин хойрдгч долан хонгин нарн өдрлә мана орн-нутгин селәнә эдл-ахун көдләчнр сән Өдрән темдглнә. Эн өдрт мал өсклһнә, тәрә тәрлһнә, эдл-ууш кеҗ һарһдг болн АПКан халхар көдлдг мергҗлтнриг йөрәҗ, ач-тусинь хәрүлдг йоста.

Мана таңһчд селәнә эдл-ахун халх экономик делгрүллһнә нег һол халхнь болна. Урднь мана орн-нутгт АПК-н халхар көдлх мергҗлтнриг олар белддг бәәсмн. Өдгә цагт болхла шин эв-арһс делгрәд, баһчуд амр көдлмш хәәнә. Кезәнәс авн мана өвкнр нүүдл улс болсн төләдән у-өргн теегт дөрвн зүсн малан өскәд, өрк-бүлмүдән теҗәдг бәәсмн. Эндр зәрмнь аавнрин-эцкнрин үлгүрәр тохма бод малан, хөөдән асрад, таңһчин АПК-н халхиг делгрүлҗ йовна. Терүнәс нань мана таңһч хойр җил дарандан хамгин элвг урһц хураһад, ик күцәмҗ бәрҗәхинь бас темдглх кергтә. Тер мет олн зүсн эдл-ууш кеҗ һарһдг арһлачнр региона экономикд бас тәвцән орулҗана. Эд-тавран Әрәсән кесг регионмудар йовулҗ хулдна.
(полную версию статьи можно посмотреть в бумажной версии выпуска № 109 (18948) 7 октября 2023 года, СУББОТА)

КАРСАНА Евгения

Видео