Медәтнрт килмҗән тусхав

Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, Лаганя районд эврә сән дурар үүлддг улс «Килмҗ» гидг буйнч седклин керг-үүлдврт орлцв. Эдн медәтнрт болн шишлң цергә керг-үүлдврт орлцачнрин өрк-бүлмүдт дөңгән күргҗ, герин һаза сән таал тогтав.

Лаганя района әмтнә социальн теткврин комплексн төвин көдләчнр дунд эврә сән дурар үүлддг улс бәәнә, эдн буйнч седклин керг-үүлдврт шунмһаһар орлцв. Тер мет «Негдсн Әрәсә» партин КРО-н бәәрн әңгин депутатнр, «Ниицл» гидг бичкдүдин негдлтсин ассоциацин гешүд медәтнрт болн СВО-д орлцачнрин өрк-бүлмүдт килмҗән тусхаҗ, сад-һарудт көдлв, герин эргндк һазриг ахулв. Хамдан давулсн цаг эднд туста болн сергмҗтә болв. Ах үйин улс бичкдүдлә күүндҗ, җирһлиннь тодлврарн хувалцв. Шишлң цергә керг-үүлдврт орлцачнрин өрк-бүлмүдт нег һазра улсин килмҗ болн оньг ик омг өгнә гиҗ эдн темдглҗ, дөң болснднь ханлтан өргв.

БАТАН Сәәхлә
ЗУРГТ: Лаганя района КЦСОН бүрдәсн буйнч седклин керг-үүлдврт орлцачнр

Новости по теме

• 

  Праздник каждого из нас
  Праздник каждого из нас
• 

  Список кандидатов сформирован
  Список кандидатов сформирован
• Ветеранов СВО лечат в реабилитационных центрах
  Ветеранов СВО лечат в реабилитационных центрах
• 

  Награда ветерану
  Награда ветерану