Баатрмудын амрг-иньгүд болсн күүкд улс

14-10-2023, 09:40 | Общество

Алдр эс гиҗ зөргтә залун омгнь кен бәәсм гиҗ әмтн ухална. Төрскән туурулдг залусиг ухата экнр өскнә, седкл-ухаһинь медлцдг күүкд улс амрг-иньгүднь болна. Өрк-бүлиг бәрҗәх, залуһиннь омгинь өскҗәх күүкд улсиг кезә чигн туурулна, шүлгүдт болн дуунд орулна. Өдгә цага амр биш бәәдлд цергә шишлң кергүүлдврт орлцҗ, ни-негн төрскнә төлә әмән әрвллго дәәлдҗ йовсн хальмг баатрмудын экнрт, авальмудт нерәдсн зургудын һәәхүл Н. Пальмовин нертә Келн-улсин музейд секгдв.

Төрскән харссн баатрмудын санлыг тевчхәр, теднә омгнь болҗ йовсн күүкд улст күндллһән медүлхәр эн һәәхүл кегдсмн.
Арвн негн күүкд күүнә зургиг цокад, олна оньгт тусхасинь музейд ирсн әмтн үзв. Тернь Төрскән харсачнрин авальмуд, экнр - эднә дүрмүд зургт буулһгдад, һәәхүлд тәвгдв. Һәәхүл секгдхин өмн эдн музейүр темцҗ ирв. Баһ наста сәәхн берәчүд дәәнәс көлтә баһ насндан эдн белвсн үлдв. Адһм угаһар хоорндан күүндәд, нег-негнәннь бәәдл-җирһләр соньмсад, күүкд-көвүд яһҗ өсчәхин тускар эдн күүндв.
(полную версию статьи можно посмотреть в бумажной версии выпуска № 112 (18951) 14 октября 2023 года, СУББОТА)

ҖИРҺЛИН Кермн

Видео