Сарул сәәхн бәәрнд сурхд тааста

17-10-2023, 09:25 | Общество

Мана Элст балһсна 4-ч тойгта дунд сурһуль бат ясврин хөөн сарул, сәәхн, шинрсн бәәдләрн цуг сурһульчнриг, багшнриг болн эк-эцкнриг байрлулв. Мана чееҗ байрар дүүрч ке-сәәхн сурһульдан өдр болһн адһҗ, улм сәәнәр сурхд болн көдлхд ик урмд өгнә. Эн җил бидн мана дурта сурһулин 55-ч җилин ончта өөн темдглхәр белдвр кеҗәнәвидн.

Өөниг өргмҗтә болн байрта кевәр темдглхин төлә сурһулин һардач Очр-Һәрән Елена бүрдәмҗин баг тогтав. Энд олн җилдән үнн-чик седклтәһәр көдлҗ, дорас өсч йовх баһ үйд гүн медрл болн чик сурһмҗ өгсн ачта багшнрин ач-тус темдглх, сурһулян сәәнәр төгсәһәд, эрдмин халхар күцәмҗ бәрҗ олнд дунд тоомср олсн улсин тускар эндрк сурһульчнрт медүлх күсл тәвгдв. Бидн цуглрад, яһҗ өөнән темдглхән, ямаран харһлтс болн керг-үүлдврмүд давулхин тускар күүндәд, зура батлад авсн бәәнәвидн.
(полную версию статьи можно посмотреть в бумажной версии выпуска № 113 (18952) 17 октября 2023 года, ВТОРНИК)

НИМӘН Тамара, Элст балһсна 4-ч тойгта сурһулин хальмг келнә багш

Видео