Һартан өөтә урч

30-09-2023, 12:51 | Общество

Һаха сарин сүл нарн өдрлә чикнь хату улсин нарт-делкән Өдр темдглгднә. Эн өдр эрмдгтә улсин төрмүдт һол оньг тусхаҗ дөң күрглһнә төрмүдт нерәдгднә. Дүлә улс шалтгта болв чигн эврә өвәрц келтә болн авъяста.

Яшкулин района әмтнә социальн теткврин төвин көдләчнрин хәләврт чикнь хату Нимгрә Нәдвд бәәнә. Залу күн һартан өөтә, эн хальмг маля кенә. Бичкнәсн авн эцкән дахад үүл бәрҗ, хазар, маля, эмәл кедгиг дасч авад, йоста урч болв. Арвн хойртадан эн түрүн болҗ бичкн хазар кев.
Надвид Улюмджиевичин келсәр, хальмг улс маляг хойр эв-арһар кенә. Малян иш келһнд шар харһа, чи эс гиҗ талдан җөөлн модн олзлгдна. Онц күүнд кесн маля өвәрц болна, талдан тиим кегдл дәкҗ уга, гиҗ урч темдглнә. Кегдл болһнд эн седклән тәвҗ ямр нег өвәрц кев-янз орулҗ кехәр шунна. Шалтгта болв чигн Нимгрә Нәдвд тааста кергән делгрүлҗ, әмтнә сурврар хальмг маля болн нань чигн кегдл кеҗ өвкнриннь авъяс делгрүлҗәнә.

БАТАН Сәәхлә
ЗУРГТ: урч Нимгрә Нәдвд хальмг маля гүрҗәнә

Видео