Депутатнр әмтнлә харһҗана

19-10-2023, 09:05 | Общество

Хальмг Таңһчин Улсин Хуралын (Парламентин) доладгч хуралтын депутатнр, «Негдсн Әрәсә» партин фракцин элчнр әмтнлә харһлтс эклв. Шидр депутат Александр Аздоров «Негдсн Әрәсә» партиг дөңнлһнә штабд әмтнлә харһҗ, теднә төрмүдт орлцв. Эн өдр хойр күн харһлтд орлцҗ, депутатла үүмүлҗәх төрмүдәрн хувалцв. Элст балһснд бәәдг бәәрн күүкд күн җирһлин күнд таалд туссна тускар келәд, дөң болхиг сурв. Депутат күүкд күүнлә күүндснә хөөн демән күргв.

Дәкәд нег күүкд күн дулаһар тетклһнә кем эклсн бийнь патьр дотр киитн бәәнә гиҗ зовлңгарн хувалцв. Депутат залврин компанин һардврт җиңнүләд, медәтин патьрт одад тогтсн бәәдлиг ясрулхин төлә көдләчиг йовулхиг сурв.
«Негдсн Әрәсә» партин фракцин депутатнр цааранднь батлгдсн диг-дараһар әмтнлә харһлтс давулхмн.

Мана зәңгч

Видео