Нөкцлт батрулхмн

21-10-2023, 09:00 | Общество

Хальмг Таңһчин Улсин Хуралын (Парламентин) Ахлач Артем Михайловин һардврт видеоконференц залһлдана эв-арһар Луганск Улсин Республикин Антрацитовск муниципальн округин Хүүвлә болв. Селвлцәнд парламентин вице-спикер Нуура Николай, Городовиковск района муниципальн бүрдәцин депутатнрин Хургин Ахлач Кавкиша Борис, района Хургин депутат Галина Макаренко, Антрацитовск муниципальн округин Хүүвин ахлачин дарук Елена Рахмукова, бюджетин комиссин ахлач Руслан Марданов, социальнэкономическ делгрлтин болн ЖКХ-н төрмүдин комиссин ахлач Александр Ткаченко орлцв.

Әрәсән ханьд орсн шин регионмудын зака үүдәгч органмудын суңһвр һаха сарин 10-д болсмн. Ода шин регионмудыг Әрәсән зөвин медлд оруллһна, федеральн закадла ирлцәтәһәр батллһна көдлмш күцәгдҗәнә. Артем Михайлов таңһчин Улсин Хуралын үүлдврин, комитетмүдин болн комиссьмүдин тускар ахрар келҗ өгв. Нуура Николай суңһврин ашт диилвр бәрсн депутатнриг йөрәһәд, зака үүдәгч үүлдврнь күцәмҗтә болхиг дурдв. Селвлцәнә ашар харһлтд орлцачнр хамцу үүлдҗ, нөкцлт батруллһна туст залһлда батрулхин тускар үгцв.

ДООҖАН Наталья

Видео