Отг-әәмгиннь делгрлтд тәвцән орулв

21-10-2023, 09:35 | Общество

Эндр Лаганя района Улан Хол селән 100 җилин ончта өөнән темдглҗәнә. Зун җилин туршарт эн селән өсәд-өргҗәд, байн тууҗта болв. Энд төрҗ һарсн кесг күн төрскн селәнәннь болн таңһчиннь босхмҗд, делгрлтд ик тәвцән орулад, отг-әәмгтән күндтә болн тоомсрта улс болсмн. Темдгтә өөнин өмн өргнд күн болһна ач-тус хәрүлҗ, теднә туурмҗта күч-көлснә, залу-зөрмг йовдлын, үлгүр болгч җирһлин хаалһин тускар дәкәд нег тодлҗ, дорас өсч йовх баһчудт медүлх кергтә гиҗ сангдна.

Улан Хол селән 1923 җилд бүрдәгдсмн. Энд түрүләд цөөкн шавр болн ишкә гермүд бәәсмн. Җил давад, селән Хальмг автономн мүҗин Эрктнә улусин административн төв болв. Зурһан җил болад, бәәсн цөөкн гермүд эмнлһнд, аптекд болн эрүл-менд харлһна көдләчнр бәәдг патьрмудт өггдв. Бичкн селәнд 50 шаху күн бәәдг бәәҗ, теднәснь өрәлнь улусин бүрдәцсин болн олна ниицәсин көдләчнр билә. Ахр цагин болзгт бичкн селән өсәд, 1930 җилд энд 30 өрк бәәдг болв. 1938 җилин туула сард Хальмг АССР-ин Уланхоолын улус бүрдәгдхлә, селән терүнә төв болв. 1941 җилин ноха сард селәнә өөр Әәдрхн-Кизләр хоорнд төмр хаалһ тосхлһна туск тогтавр батлгдв. Тер тогтаврас иштә Уланхоолын улус 50 дууна төмр хаалһ тосхх даалһвр өггдв. Селәнә бәәрн улс, нурһлҗ медәтнр, күүкд улс болн бичкдүд фронтын төлә ик чинр зүүҗәсн төмр хаалһин тосхлтд орлцв.
(полную версию статьи можно посмотреть в бумажной версии выпуска № 115 (18954) 21 октября 2023 года, СУББОТА)

ДООҖАН Наталья
ЗУРГТ: Улан Хол селәнә босхмҗд тәвцән орулсн Унһна Кооку

Видео