СОЙЛЫН ЗӘҢГ

21-10-2023, 10:00 | Общество

Москвад Хальмг зурачнрин һәәхүл

Әрәсән күүкд улсин Ниицәнә «Особый дар» гидг галерейд шидр Хальмг зурачнрин һәәхүл секгдв. «Степной калейдоскоп» гидг нер зүүсн һәәхүлд зурачнрин 35 көдлмш үзүлгдҗәнә.

Тернь «Босхмҗ» гиҗ нерәдгдсн үүдәгч багин болн «Әрәсән күүкд улсин Ниицәнә» Хальмг таңһчин әңгин зурачнр үүдәврмүдән үзүлҗәх һәәхүл болҗана. Күүкд улсин дүрмүд, теегин бәәдл тодлгдсн зургуд искусствар соньмсдг улсин оньгиг авлҗана.
Москвад секгдхин өмн эн һәәхүл Дагестанд, Ар Үзгин Осетьд, үзүлгдсн билә. Москван «Келн улсин герт» болсн һәәхүлд чигн эн үүдәврмүдлә олн улс таньлдла.

Черкесскд наадан үзүлв

Драмин болн шог наадна Орс республиканск театр хулһн сарин 10-с авн 12 күртл Черкесскд гастрольд одв. Тенд театр шаңһа филармоня ик залд Леонид Филатовин пьесар тәвгдсн «Сказ про Федота-стрельца» гидг наадан үзүлв.

Бичкн хәләһәчнрт болхла Николай Носовин пьесар тәвгдсн тууль-наадн икәр таасгдв. Режиссер Борис Манджиев тәвсн «Приключения Незнайки и его друзей» гидг нааднд олн күүкд-көвүд ирв. Хальмг Таңһчас ирсн театр тәәз деер соньн олн дүр тогтаһад, нааднд ду, би өргәр олзлҗ, ирсн хәләһәчнрт сергмҗ үүдәсәрн йир икәр таасгдв.
Гастрольн эн йовлһн «Ик гастрольмуд» гидг федеральн программин кемҗәнд күцәгдв.

Теңгсин өөрк балһснд

Н. Пальмовин нертә Келн-улсин музей 2023 җилд Лаганск филиалыг техническ халхар тетклһнд дөңгин мөңг авсмн. «Сойл» гидг келн-улсин көтлврин кемҗәнд музейд тер мөңгн йилһгдсмн.

Тиим сән дөңгин ашт ода Лаганск филиалын һәәхүлин залмуд шин витринмудар болн нань чигн тоотар немгдв. Музейин экспонатс хадһлдг шин шкафмуд, компьютермуд, мультимедийн ширә, олн тоотыг үзүлҗ болх проектор энд углҗ тәвгдәд, көдлмшт өдгә цага янз олзлхд туста болв.
(полную версию статьи можно посмотреть в бумажной версии выпуска № 115 (18954) 21 октября 2023 года, СУББОТА)

Диилвр бәрсн хальмг өрк-бүл

Элст балһснд бәәх Чидинговихнә өрк-бүл «Мама и дети в национальных костюмах» гидг зургудын нарт-делкән марһанд диилвр бәрв.

Эн ик марһанд Әрәсән 85 регионас зург цокдг өрк-бүлмүд орлцсмн. Хамгин сән 50 зург цоксн әмтнә көдлмш һәәхүлд шүүҗ авгдсмн. Сойлын болн искусствин нертә үүлдәчнр, урн һарин эрдмчнр, зурачнр болн зург цокачнр орлцсн жюрид шүүвр кехд амр болсн уга. Марһана хайгар орҗ ирсн олн тоота зургудас эдн 200 зург шүүҗ авсмн.
Чидинговихнә өрк-бүлин зург дииләчнрин тоод йовна. Ашлад келхлә, хальмг келн улсин хувцн йир ке-сәәхн болсн деерән йир өвәрц болна. Мана өвкнр маднд иим сәәхн зөөр үлдәсн болҗана.

ҖИРҺЛИН Кермн

Видео