Бачм төрмүд хәләгдв

24-10-2023, 09:05 | Общество

Әрәсән орн-нутгин Хүүвин эрүл-менд харлһна комитетин улд орн-нутгин субъектмүдин зака үүдәгч органмудын элчнрин орлцлтаһар селвлцән болв. Терүнд Хальмг Таңһчин Улсин Хуралын (Парламентин) Ахлач Артем Михайловин даалһврар депутат, сурһуль-эрдмин, эрүлменд харлһна, сойлын, баһчудын төрин, социальн харслтын болн спортын комитетин гешүн Цакира Зулта орлцв. Селвлцәнд орлцачнр Әрәсәд эрүл-менд харлһна халхд бәәдг төрмүдиг заканла ирлцтәһәр дигллһнә төрәр күүндәд, эврәннь ухан-тоолврарн хувалцҗ, хамцу үүлдврин туст күцәх көдлмшин зура батлв.

Әрәсән орн-нутгин Хүүвин эрүлменд харлһна комитетин ахлач Башанкан Бадм региональн зака үүдәгч хургудын элчнрт эрүл-менд харлһна закадыг ясруллһна туст сүв-селвгән орулснд ханлтан өргәд, закадын төсвс белдсн кемд тернь учртан авгдх гиҗ темдглв.
Селвлцәнә ашар әмтнә эрүлменд харлһна болн медицинск дөң күрглһнә зөв олзллһиг ясруллһна туст комитетд сүв-селвг орулх шиидвр батлгдв.
(полную версию статьи можно посмотреть в бумажной версии выпуска № 116 (18955) 24 октября 2023 года, ВТОРНИК)

БАТАН Наталья

Видео