Әмтнә җирһл ясрулх көтлврмүд

24-10-2023, 09:20 | Общество

Келн-улсин төсвсин медлд күцәгдҗәдг керг-үүлдврмүдин йовудын төр Хальмг Таңһчин залврин селвлцәнд хәләгдв. Терүг таңһчин залврин Ахлач Босхмҗин Гилән һардҗ давулв. Селвлцәнд таңһчин вице-премьермуд, министерствсин һардачнр, райодын муниципальн болн тосхлтын бүрдәцсин элчнр орлцв. Мана таңһчд күцәгдҗәдг арвн келн-улсин төсвин медлд тосхгдҗадг объектс әмтнә җирһлин чинр ясрулх гиҗ күләгдҗәнә.

Городовиковск балһснд шин поликлиникин, зәрм райодт селәнә сойлын Гермүдин бәәрмүдин, усар тетклһнә объектсин тосхлтыг шунмһадулх кергтә гиҗ селвлцәнд темдглгдв. Тосхлтын бүрдәцсин элчнр кех-күцәх көдлмшин зура болн диг-дара белдәд, селвлцәнд орлцачнриг таньлдулв. «Городовиковин дач» гидг объектд бат ясвр келһнә төрт онц оньг тусхагдв. Премьер Босхмҗин Гилән келсәр, эн объект ик чинртә төсв болна. Юңгад гихлә эн ормла мана тууҗин халхс болн олна санл залһлдата. Эн объект таңһчин баһчудын төлә кегдҗәнә, терүг җилин чилгч күртл эдлврт орулх кергтә гиҗ премьер-министр темдглв.
(полную версию статьи можно посмотреть в бумажной версии выпуска № 116 (18955) 24 октября 2023 года, ВТОРНИК)

БАТАН Сәәхлә

Видео