Көтчнрә паркд санлын комплекс тосхгдв

24-10-2023, 09:50 | Общество

80 җил хооран хальмг улсиг Сиврин тууврт йовулсмн. Хар гөрәр цааҗла харһулгдсн әмтн 13 җилдән зовлң эдләд, кесг түрү йовдлла харһҗ, күнд тоотыг дааҗ һарсмн. Одсн һазрин бәәрн әмтн эдн урвачнр бишинь, хаҗһр йовдл эс һарһсинь медҗ автл кедү зовлң мана аавнр болн ээҗнр эдлсн болх. Тас нүл уга улс агчмин дунд бәәсн һазрасн күчәр авч туугдсмн. Залу улс төрскән харсч йовсн цагт гертнь үлдсн көгшдүд, күүкд улс болн бичкдүд тачкнсн киитн 1943 җилин бар сарла хол Сиврүр йовулгдсмн.

Төрсн һазрасн хол киитн һазрт бәәсн 13 җил хальмгудын җирһлд зөвүр-зовлңгарн мартгдшго җилмүд болв. Өдр болһн бурхндан зальврад, буру хандад ууляд, нульмсан арчад, бәәсн чидлән батлад, көдлмштән һарч йовсн мана аавнр, ээҗнрин зовлңгиг тодлхд чигн күчр.
(полную версию статьи можно посмотреть в бумажной версии выпуска № 116 (18955) 24 октября 2023 года, ВТОРНИК)

ҖИРҺЛИН Кермн

Видео