Сурһмҗлачнр цусан өгв

28-10-2023, 09:30 | Общество

Элст балһсна 30-ч тойгта бичкдүдин садын профсоюзн бүрдәцин гешүдин седвәрәр багшин болн сурһмҗлгчин җилин медлд «Донорин цусн әм аврна» гидг керг-үүлдвр бүрдәгдв. Бичкдүдин садын көдләчнр эврә сән дурар цусан өгч, донормудын җисәг дөңнв. Темдглхәс, кесгнь урднь чигн цусан өгч, гемтә улст дөңгән күргсмн.

- Эн керг-үүлдврт сурһмҗлачнр шунмһаһар орлцснь мана бүрдәцд өр-өвч седклтә улс көдлҗәхиг медүлҗәнә. Мана керг-үүлдврин һол күслнь багшнрин болн сурһмҗлачнрин дунд донормудын җисә делгрүллһн мөн. Күүнә җирһлд олн зүсн йовдл учрна, тегәд нег-негндән чадсарн дөң күргх кергтә. Мана бичкдүдин садын көдләчнр эн керг-үүлдвриг дөңнҗ цусан өгснд ханлтан өргҗәнәв, – гиҗ профсоюзин бүрдәцин ахлач Теегсә Байрта келв.
Цус гүүлгдг таңһчин төвин көдләчнр нааран ирсн улст килмҗән тусхаҗ, донормудын җисәнә, әмтн өгсн цусн зеткртә йовдлд туссн болн күнд гемтә улст әм аврдгин тускар цәәлһҗ өгнә. Бичкдүдин садын көдләчнр цус гүүлгдг төвин көдләчнрт ханлтан өргҗ, эднә нөкцлт делгрәд йовх гиҗ ицҗәхән медүлв.

ДООҖАН Наталья
ЗУРГТ: Элст балһсна 30-ч тойгта бичкдүдин садын көдләч Цернә Валерия цусан өгчәх кем

Видео