Мария Мучкаеван «Седклин җивр»

28-10-2023, 10:10 | Общество

«Бамб цецг» ансамблин артистк нарт-делкән хәләврмарһанд орлцв. Бииһин эрдмин эн ик марһан җил болһн Грозный балһснд болна. Советин Союзин улсин артист, нер туурсн биич Махмуд Эсамбаевин нертә марһан билгтә олн биичнриг цуглулна.

Эн җил марһанд «Бамб цецг» ансамблин биич, Хальмг Таңһчин ачта артистк Мария Мучкаева күцәмҗтә кевәр орлцв.
XIV-ч марһан хойр өдрин туршарт болв. Мария Мучкаева «Шапочка» болн «Седклин җивр» хойр би жюрин оньгт тусхав.
Әрәсән биичнрәс нань эн марһанд Египтин, Индонезин, Японя, Моңһлын, Грузин, Казахстана, Белоруссин, Арменя артистнр бииһин эрдмән үзүлв. Әрәсән 30 региона баһ наста биичнр чигн марһана йовудт бииһин халхар ямаран өөдмд күрсән медүлҗ чадв.

ҖИРҺЛИН Кермн

Видео