СНИЛС – эрлһн угаһар

31-10-2023, 09:10 | Общество

Эн җилин эклцәс авн мана таңһчд 1862 нилх СНИЛС-иг эрлһн угаһар авв. Нилх һарсна туск зәңг ЗАГСас социальн саңд дарунь орҗ ирнә, тегәд шаңһа туслмҗин әңгд үрнднь СНИЛС өггдснә тускар медүлнә.

- СНИЛС экин сертификат болн эрк биш медицинск даатхлһна полис, социальн демин мөңг авхин, поликлиникд одхин болн нань чигн шаңһа талдан туслмҗ олзлхин төлә кергтә. Көвүчлҗ авсн үрнә төлә СНИЛС авхин төлә эк-эцк эрлһән орулх зөвтә, юңгад гихлә зәрм бәрмт цаасиг зуг эдн үзүлҗ чадҗана, - гиҗ Хальмг Таңһчар үүлддг ОСФР-ин әңгин һардач Дорҗин Бадм цәәлһв.
Кемр эк-эцкнрт шаңһа туслмҗин әңгд ордг арһ уга болхла, үрндән СНИЛС авхин төлә социальн саңгин региональн әңгин цергллтд эс гиҗ МФЦ-д ирх кергтә.

БАТАН Наталья

Видео