Номтнрин то өсх

Әрәсән РАН-а Хальмг номин төвд төрскн тууҗин төрәр диссертац харслһна хүүв секгдв. Төвин тууҗд түрүн болҗ тиим ончта йовдл учрҗана. Кесг арвад җилин туршарт төвин номтнр хальмг олн улсин болн Әрәсән тууҗ шинҗллһнә халхар аһу ик көдлмш күцәҗәсмн. Тер цагин эргцд тууҗ шинҗлдг ик нертә номтнр соньн олн зүсн хәәвр кеҗ номин уурхан саңд эврә тәвцән орулсмн.
Тер ик чинртә йовдлын, КНЦ-н төвин тууҗин тускар тууҗин номин доктормуд, Хальмг КНЦ-н һардачин дарук Бакан Эльза болн нүүрлгч номин көдләч Очра Уташ келҗ өгв.
– Хальмг номин төвин тууҗд түрүн болҗ диссертацин хүүв секгдв. Тууҗин кесг салврар шинҗллт кедг Максимә Константин, Бакан Эльза болн нань чигн номтнрин ач-тусинь, күцәсн аһу ик көдлмшинь, Әрәсәд болн нарт-делкәд теднә номин үүлдвринь өөдәнәр үнлҗәх йовдлынь тоод авад тиим шиидвриг Әрәсән ик сурһулин болн номин министерствин Деед аттестацин комиссь батлсмн, – гиҗ күүндвриг тууҗин номин доктор Очра Уташ эклв.
(полную версию статьи можно посмотреть в бумажной версии выпуска № 119 (18958) 31 октября 2023 года, ВТОРНИК)
ТҮРВӘН Һуна