Хар модд суулһв

02-11-2023, 09:20 | Общество

Хальмг теегт урһҗадг һанц уласн модн нег һазра улсин төлә әрүн модн болсиг цуһар меднә. Зун һар җилдән урһҗадг модыг бидн әрүнәр хадһлх зөвтәвидн.

Шидр Хальмг Таңһчин Толһач Хаска Бату Тензин Чойдак Шаҗн Ламла болн Бурхн Багшин Алтн сүмин ламнрла хамдан һанц уласна өөр хар модд суулһв.
– Төв хурлын ламнр ном умшҗ, суулһсн орминь әрүслв. Кесг җил давад, урһсн хар моддын сүүдрт олнәмтн, тер мет мана таңһчд ирсн зуульчнр һаң халунд амрдг арһта болхмн, гиҗ Бату Сергеевич темдглв.
Терүнәс нань һанц моднас авсн экн урһциг хавртан өөрнь суулһхиг Шаҗн Лам Тензин Чойдак дөңнв. Эн керг-үүлдвр күцәһәд, тәрмр урһмл таңһчин хурлмудт болн чонҗст илгәгдәд тенд бас суулһгдхмн.
Одахн салькн көдләд, уласна нег салань хамхрад унв. Мергҗлтнр ирҗ, модыг шинҗләд, кергтә керг-үүлдврмүд күцәв. Таңһчин Шаҗн Ламин седвәрәр унсн салаг урчнр олзлҗ белгүд кехмн.

ОЛЬДАН Цаһан

Видео