Эмнлһнд бат ясвр күцәгдхмн

02-11-2023, 09:25 | Общество

Шидр Хальмг Таңһчин Толһач Хаска Бату Әрәсән Президент Владимир Путинә даалһврар Үстин района бәәрн иргнлә харһад, соньмсулҗадг сурвртнь хәрү өгв.

– Үстин района эмнлһн нурад унҗана, энд бат ясвр керглгдҗәнә, – гиҗ Бадмин Иджилина келв.
Район болһнд эмнлһн эрк биш кергтә, тегәд эн бүрдәцд бат ясвр кехәр шиидвидн, эрүл-менд харлһна халхар бәәдг шишлң көтлврин эв-арһар ясвр күцәгдхмн. Терүнәс нань Әрәсән ирлцңгү Министерствиг маднд дөң болхинь сурхвидн, хойр җилин эргцд эмнлһиг шинрүлхвидн, гиҗ Бату Сергеевич иткүлв.
Өдгә цагт болхла Цаһан Амна поликлиникд ясвр күцәгдҗәнә. Шаңһа төвин дөңгәр социальн халхар цуг таал тогтагдҗана, гиҗ темдглх кергтә.

ОЛЬДАН Цаһан

Видео