Үр-иньгүдин харһлт

02-11-2023, 09:35 | Общество

Җил болһн хулһн сард нүднә харань му улсин нарт-делкән Өдр темдглгднә. Нүднә харань му урсн улсин Әрәсән ниицәнә Хальмг Таңһчд үүлддг региональн әңгин (КРО ВОС) седвәрәр терүнд нерәдгдәд мана таңһчд сара хонга кергүүлдврмүд давулгдҗана.

Одахн Элстд «Родина» амрлһна төвд болсн концертд гемтә-шалтгта улс билг-эрдмән үзүлв. Хохлаша Айса, Настина Алтн, Абушан Дантес, Коган Светлана таңһчин нертә артистнрлә хамдан тәәз деер һарч, еңсг сәәхн дууһарн байрлулв. Концертин хөөн МСЭ-н бюрон мергҗлт Манҗин Анна нүднә харань муурсн улсин реабилитацин, эрүл-менд батруллһна төрмүдәр цәәлһәд, эднә сурврмудт тодрха хәрү өгв. Эн харһлт эрмдгтә улст эднә зөв харслһна, эмнлһ авлһна халхар медрл хоршалһнд туслв.
(полную версию статьи можно посмотреть в бумажной версии выпуска № 120 (18959) 2 ноября 2023 года, ЧЕТВЕРГ)

ДАВАН Сәәхлә
ЗУРГТ: марһанд орлцачнр шатр болн дөөв наачах кем

Видео