Сиврт яһҗ зовсинь соңсхла…

02-11-2023, 09:55 | Общество

1993 җилин үкр сар. Москвад үүмәтә бәәдл тогтад, танкс хаҗасн цаг мөн. Минь иим таалд хальмг улсин цааҗллһна тәвн җилд нерәдсн түрүн Санлын поезд сиврин һазрар эврә зуульчллһан эклсн болдг. Давсн зун җилин дөчдгч җилмүдт эврә отг-әәмгәсн күчәр туугдсн кемдән Түмн-Барнаул-ОмскТомск-Новосибирск-Красноярск балһсдт бәәсн хальмг аавнр-ээҗнрлә хамдан тиигхд седкүлч Манҗин Светлана бас эн поездд йовсн билә. Тер цагас нааран дигтә һучн җил давҗана. Шидрхн болсн күүндврт мана үр бер темдгтә тер йовдлын тускар эврә тодлврмударн хувалцсинь эндр умшачнрин оньгт тусхаҗанавидн.

- Һучн җил давсн бийнь энтн ода учрсн йовдл болҗ уханд сергәгднә. Тер түрүн Санлын поездәр зуульчллһн ода күртл үүмәтәһәр тодлгдна. Нег үлү күүнә һазрт мөңкинд үлдсн хальмгудын санлынь тевчҗ күндлсн саамд күүнә махмуд киит урсад, зүркн амарн һарн гиһәд менрәд одснь мартгдхш. Келхд, эврән Сиврт һарсн, мини эк-эцк хойрин баһ цагнь давсн, ээҗ-аавм чигн бәәсн һазрт күрч, зул өргәд мөргәд һарсн йовдлмуд эндр күртл уханасм һархш.
(полную версию статьи можно посмотреть в бумажной версии выпуска № 120 (18959) 2 ноября 2023 года, ЧЕТВЕРГ)

Бичҗ авснь ШАГҖИН Любовь

Видео