Улана Иван: «Үзсн, соңссн тоот ухани зөөр болад, дегтр болҗ тохрв»

02-11-2023, 10:00 | Общество

А. Амр-Санана нертә Келн-улсин дегтрин саңгд Хальмг улсин болн Әрәсән улсин артист, Хальмг Таңһчин күндтә иргн Улана Иван «Сиврин зургуд» гидг дегтрин презентац болв. Таңһчин олна болн сойлын үүлдәчнр, хальмг келнә багшнр, артистнр, номтнр, сурһульчнр соньн эн керг-үүлдврт орлцв. Хальмгудыг Сиврүр туулһсна 80 җил өөрдҗ йовх цагла барас һарсн дегтр олн улсин оньгиг авлв.

Номт, гүн номин доктор Баазр Бичеев эн керг-үүлдвриг һардҗ давулв. Хальмгин нертә артистын дегтр түрүн болҗ Хальмг ик сурһулин дөңгәр 45 экземпляр тираҗар һарсн бәәсмн. Эн җил таңһчин сойлын болн зуульчллһна министерствин дөңгәр дегтр шинәс барлгдҗ, хату һадртаһар һарад, сурһулин дегтрин саңгудар, райодын болн селәдин дегтрин саңгудар йовулгдсмн.
(полную версию статьи можно посмотреть в бумажной версии выпуска № 120 (18959) 2 ноября 2023 года, ЧЕТВЕРГ)

ХӨӨЧИН Галина

Видео