Баахн багшин үүдәлт

02-11-2023, 10:05 | Общество

Одахн Баһ Дөрвд селәнә сойлын Герт Ик Бухса Эрднин Пүрвән нертә дунд сурһулин багш Дорҗин Денисин зургудын һәәхүл болв. Хамдан көдлҗәдг үүрмүднь, района бәәрн улс баахн багш билгтә зурач бәәсиг медәд, энүнә үүдәлтлә таньлдҗ, зурсн зургударнь бахмҗ кев. Багшин болн сурһмҗлгчин Җилд нерәдгдсн «Полет фантазии» гидг һәәхүлиг эн технологин багш Эрдни Лиджиевич Эрендженовин санлд нерәдв.

Келхд, эннь хойрдгч һәәхүлнь болна. Хойр җил хооран эн төрскн сурһулин улд түрүн болҗ һәәхүл бүрдәһәд, бичкндк цагтнь ИЗО-н багшар көдлҗәсн Анатолий Антонович Бамбышевд нерәдсн билә. Эн хойр күүг Денис Борисович эврәннь багшнрт болн сурһмҗлгчнрт тоолна. Ачта болн күндтә багшнртан зургудын һәәхүл бүрдәх седвәринь Ик Бухса дунд сурһулин һардач Азда Ноһан дөңнҗ, эн керг-үүлдвр билг-эрдминь делгрүллһнд тусан күргсн улсин санлд нерәдснь теднә ач хәрүллһн болх гиҗ темдглв. Тиигәд Ноһан Богуновнан болн хамдан көдлҗәдг үүрмүдин дөңгәр тууҗин болн обществознаня багшин хойр һәәхүл бүрдәгдсмн.
(полную версию статьи можно посмотреть в бумажной версии выпуска № 120 (18959) 2 ноября 2023 года, ЧЕТВЕРГ)

ДООҖАН Наталья
ЗУРГТ: Баахн зурачин зургуд

Видео